Որոշակի դժվարություններ միշտ կան։ Այս մասին հունվարի 8-ին լրագրողների հետ հանդիպման ժամանակ ասաց ՀՀ էկոնոմիկայի նախարար Վահան Քերոբյանը, պատասխանելով այն հարցերին, թե ինչու են հայ բեռնափոխադրողները ամանորյա տոներին դեպի Ռուսաստան արտահանման դժվարությունների բախվել։

«Բայց ես ձեռնպահ կմնայի հայտարարություններ անելուց այն մասին, թե այդ դժվարությունները վերաբերում են միայն հայաստանյան բեռնափոխադրողներին, թե բոլոր փոխադրողներին։

ԵԱՏՄ երկրներից Հայաստանն ունի լավագույն բիզնես միջավայրը, ուստի հայ բեռնափոխադրողները ԵԱՏՄ երկրներում գտնվելով ավելի վատ միջավայրում են հայտնվում, քան Հայաստանում կա»,- նշեց նախարարը։

Հայաստանի տնտեսության դիմադրողականության բարձրացումը, ըստ նրա, կապված է արտահանման և ներմուծման շուկայի դիվերսիֆիկացման հետ։