Օտարերկրացին ուժի գործադրմամբ հափշտակել է 52-ամյա կնոջ պայուսակը, որտեղ եղել է ավտոմեքենայի բանալին․ որոշ ժամանակ անց անհետացել է նաև «Տոյոտա»-ն
- Lilit
- Jun 28
- 1 min read
ՆԳՆ-ից հայտնում են․
«Հունիսի 18-ի գիշերը՝ ժամը 02:55-ին, ոստիկանության օպերատիվ կառվարման կենտրոն զանգահարած կինը հայտնել էր, որ Երևանի Կիևյան փողոցի շենքերից մեկի մոտ օտարերկրացի մի տղամարդ ուժի գործադրմամբ հափշտակել է պայուսակը և դիմել փախուստի:Պայուսակում եղել են իր «Տոյոտա» մակնիշի ավտոմեքենայի բանալիներն ու «Այֆոն» բջջային հեռախոս։ Որոշ ժամանակ անց տուժողը նկատել է, որ Կիևյան փողոցում կայանված ավտոմեքենան չկա։ Դեպքի առթիվ նախաձեռնվել է քրեական վարույթ։
Ձեռնարկված միջոցառումների արդյունքում պարզվել է, որ արարքը կատարել է օտարերկրացի 29-ամյա մի երիտասարդ: Նա հունիսի 26-ին Տիտոգրադյան փողոցում հայտնաբերվել, ավազակություն կատարելու կասկածանքով ձերբակալվել և ներկայացվել է Արաբկիրի քննչական բաժին, որտեղ տվել է խոստովանական ցուցմունք: Տուժողի ավտոմեքենան հայտնաբերվել է։ Ձեռնարկվում են միջոցառումներ բջջայինը հայտնաբերելու ուղղությամբ։
Երիտասարդը տեղափոխվել է ձերբակալվածների պահման վայր:
Կատարվում է նախաքննություն»։
