38-ամյա դատապարտյալը պատուհանի ճաղավանդակից կախվել է
- Lilit
- 1 day ago
- 1 min read
Հուլիսի 14-ին «Արմավիր» քրեակատարողական հիմնարկի պատժախցում կախվելու միջոցով ինքնասպան է եղել 38-ամյա դատապարտյալ. այս մասին լրատվամիջոցներին տեղեկացրել են ԱՆ քրեակատարողական ծառայությունից:
«Արմավիր» քրեակատարողական հիմնարկում պատիժ կրող, 1987թ․ ծնված դատապարտյալ Ա․Ս․-ն հայտնաբերվել է խցի պատուհանի ճաղավանդակից սավանով կախված վիճակում։
Անմիջապես կանչվել է շտապօգնություն, որն արձանագրել է դատապարտյալի կենսաբանական մահը։
Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ»,- հայտնել են ՔԿ-ից։
