Կիրանցն իմ ճանաչած գյուղը չէր, կյանքը փոխվել էր, հոգին սպանել են. Բագրատ Սրբազան

Բագրատ Սրբազանը Կիրանցից վերադարձել է լրիվ այլ տրամադրությամբ։ Լրագրողներին ասաց՝ իր ճանաչած Կիրանցը չկար։

«Գյուղն իմ ճանաչած գյուղը չէր, կյանքն էր փոխվել, երբ մտանք գյուղ, կարծես, ուրվականների տարածք լիներ, մարդ չկար, ես կյանքում այդպես չեմ տեսել այս գյուղը։  Մարդիկ թաքնվել են իրենց անկյուններում ու մեռելի պես ապրում են, այդ մարդկանց հոգին են սպանել, տարել են պատիվը»,- ասաց Սրբազանը։

Գյուղացիները գյուղամեջ են եկել, երբ իմացել են, որ Սրբազանը Կիրանցում է։

«Այս աղետը պետք է կանգնի»,- հավելեց Սրբազանը։