Իսրայելի նախագահը հայտարարություն է արել
- Lilit
- Jun 20
- 1 min read
Իսրայելի նախագահ Իսահակ Հերցոգը հայտարարել է, որ Իրանի միջուկային ծրագրի դեմ ռազմական գործողությունը միակ ճիշտ որոշումն էր, սակայն Իսրայելը չի հետապնդում Իրանում կառավարությունը տապալելու նպատակ։
«Մենք հաստատ գիտենք, որ Իրանը հասել է այդ շեմին և շատ մոտ էր դրան։ Նրանք ուրանը հարստացրել էին մինչև 60%, և դրա համար այլ պատճառ չկար, քան զենք մշակելը։ Մենք այս սպառնալիքը վերացնում ենք նախապես, նախքան այն կպայթի», - ասել է Իսրայելի նախագահը։
Միևնույն ժամանակ, Հերցոգը նշել է, որ Իսրայելն Իրանում չի ցանկանում իշխանափոխություն իրականացնել։
«Մենք Իսլամական Հանրապետության գերագույն առաջնորդ Այաթոլլա Ալի Խամենեին վնասելու կամ իշխանափոխության նպատակ չունենք։ Սակայն դա կարող է լինել կողմնակի ազդեցություն՝ լուրջ պատմական հետևանքներով, որոնք օգտակար կլինեն Իրանի ժողովրդի համար», - հավելել է Հերցոգը։
