Թուրքիայի և Ադրբեջանի արտգործնախարարների միջև հեռախոսազրույց է տեղի ունեցել

Հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Թուրքիայի արտգործնախարար Հաքան Ֆիդանի միջև։

Հաքան Ֆիդանը Բայրամովի ջերմորեն շնորհավորել է Վաշինգտոնում Ադրբեջանի և Հայաստանի ղեկավարների հանդիպման ժամանակ ձեռք բերված պատմական հաջողությունների կապակցությամբ։

Նախարարներն ընդգծել են, որ ձեռք բերված պայմանավորվածությունները, Ադրբեջանի և Հայաստանի ղեկավարների ստորագրած համատեղ հռչակագիրը, ինչպես նաև ԱՄՆ նախագահը որպես վկա, մեծ նշանակություն ունեն տարածաշրջանում խաղաղության և կայունության ապահովման համար։ Նշվել է, որ խաղաղության համաձայնագրի նախաստորագրումը, ինչպես նաև ԵԱՀԿ Մինսկի գործընթացի և համապատասխան կառույցների լուծարման համատեղ կոչը նշանակալի ներդրում են խաղաղության մեջ։ Արտգործնախարարները նշել են, որ ակնկալում են, որ ԵԱՀԿ-ն հնարավորինս շուտ որոշում կընդունի այդ կառույցների լուծարման վերաբերյալ։

Հեռախոսազրույցի ընթացքում քննարկվել են նաև ադրբեջանա-թուրքական դաշնակցային հարաբերություններին և տարածաշրջանային և միջազգային կազմակերպությունների շրջանակում համագործակցությանը վերաբերող հարցեր։