Հայաստանը Վրաստանից 195 հազար դոլարի կարտոֆիլ է ներմուծել

2026 թվականի առաջին կեսին Վրաստանից կարտոֆիլի արտահանումը կտրուկ նվազել է։ Երկիրը հունվար-հունիս ամիսներին արտահանել է 18 414 տոննա կարտոֆիլ՝ ստանալով 4 մլն 879 հազար դոլարի եկամուտ, այս մասին…

2026 թվականի առաջին կեսին Վրաստանից կարտոֆիլի արտահանումը կտրուկ նվազել է։ Երկիրը հունվար-հունիս ամիսներին արտահանել է 18 414 տոննա կարտոֆիլ՝ ստանալով 4 մլն 879 հազար դոլարի եկամուտ, այս մասին հայտնում են վրացական ԶԼՄ-ը:

Արտահանման ծավալը նախորդ տարվա նույն ժամանակահատվածի համեմատ նվազել է 81,5%-ով։

Միևնույն ժամանակ, Վրաստանից կարտոֆիլի արտահանման շուկաներում փոփոխություններ են տեղի ունեցել։

 Եթե 2025 թվականին հիմնական շուկան Ռուսաստանն էր, ապա այս տարի առաջատար դիրքում հայտնվել է Ադրբեջանը։

Հայաստանը նույնպես Վրաստանի կարտոֆիլի արտահանման շուկաներից է։

2026 թվականի առաջին 6 ամիսներին Վրաստանը Հայաստան է արտահանել 195 հազար դոլարի կարտոֆիլ։ Հայաստանը հայտնվել է Վրաստանից կարտոֆիլ ներմուծող երկրների շարքում՝ զիջելով  մի քանի շուկաներին։

Այս տարվա առաջին կեսին Վրաստանից կարտոֆիլի արտահանման հիմնական ուղղություններն են եղել․

Ադրբեջան — 11 777 տոննա, 2,2 մլն դոլար

Ռուսաստան — 3 422 տոննա, 1,4 մլն դոլար

Բելառուս — 2 126 տոննա, 942 հազար դոլար

Հայաստան — 195 հազար դոլար

Վրաստանի համար հատկապես կտրուկ նվազել է կարտոֆիլի արտահանումը դեպի Ռուսաստան։ Եթե 2025 թվականի հունվար-հունիսին Ռուսաստան էր արտահանվել 50 347 տոննա կարտոֆիլ՝ 20,5 մլն դոլար արժողությամբ, ապա այս տարվա նույն ժամանակահատվածում՝ ընդամենը 3 422 տոննա՝ 1,4 մլն դոլար արժողությամբ։

Այսինքն՝ Ռուսաստանի ուղղությամբ արտահանման ծավալը նվազել է 92,9%-ով։

Ընդհանուր առմամբ, անցած տարի Վրաստանը ռեկորդային քանակությամբ կարտոֆիլ էր արտահանել։ 2025 թվականի առաջին 6 ամիսներին կարտոֆիլի արտահանումից ստացված եկամուտը կազմել էր 26,5 մլն դոլար։

2025 թվականին Վրաստանը կարտոֆիլ էր արտահանել նաև Ղազախստան, Մոլդովա, Թուրքմենստան և Ուզբեկստան, սակայն 2026 թվականի առաջին կեսին այս երկրներ արտահանումը զրոյական է եղել։

Վրաստանում կարտոֆիլի արտադրությունն էլ է նվազել։ Նախնական գյուղատնտեսական տվյալների համաձայն՝ 2025 թվականին երկրում արտադրվել է 207,9 հազար տոննա կարտոֆիլ, ինչը նախորդ տարվա համեմատ 6,1%-ով պակաս է։

Այսպիսով, Վրաստանի կարտոֆիլի արտահանման ընդհանուր ծավալի կտրուկ անկման պայմաններում Հայաստանը շարունակում է մնալ վրացական կարտոֆիլի իրացման շուկաներից մեկը։