Ալիկ Ալեքսանյանի գործով դատարանը փոխեց որոշումը
Sep 30
1 min read
Հակակոռուպցիոն դատարանի դատավոր Լևոն Պետրոսյանը որոշել է «Ուժեղ Հայաստան» կուսակցության անդամ Ալեքսան Ալեքսանյանի խափանման միջոց կալանքը փոխարինել տնային կալանքով՝ երեք ամիս ժամկետով և բացակայելու արգելքով:
Նշենք, որ հանրային մեղադրողը պահանջել էր Ալեքսան Ալեքսանյանի խափանման միջոց կալանքը երկարաձգել երեք ամսով: Պաշտպաններն առաջարկեցին կիրառել գրավ մինչև 70 միլիոն դրամի չափով և վարչական հսկողություն խափանման միջոցները:
Հիշեցնենք, որ Ալեքսան Ալեքսանյանը կալանավորված է 2026 թվականի հունիսի 3-ից:
Հավելենք՝ «Ուժեղ Հայաստանի» համահիմնադիր Ալիկ Ալեքսանյանին մեղադրում են փողերի լվացման և հավաքներին մասնակցության համար մարդկանց նյութապես շահագրգռելու մեջ։
