Եթե բացվում են ճանապարհներ Ադրբեջանի համար, բացվում են նաև Հայաստանի համար. Ռուբինյան
- Lilit
- Aug 8
- 1 min read
ՀՀ ԱԺ փոխնախագահ Ռուբեն Ռուբինյանը սոցցանցերի իր էջում գրառմամբ անդրադարձել է վարաչապետ Նիկոլ Փաշինյանի՝ Վաշինգտոն այցին, և այնտեղ Դոնալդ Թրամփի ու Իլհամ Ալիևի հետ կայանալիք հանդիպման ժամանակ հնարավոր փաստաթղթերի ստորագրմանը։
Նա մանսավորապես գրել է.
«Ցանկացած պայմանավորվածություն, որին կգնա Հայաստանը, ներառելու է
- Ապաշրջափակում` ինքնիշխանության, տարածքային ամբողջականության և իրավազորության հիման վրա` այսինքն մեր դեպքում Հայաստանով անցնող բոլոր ճանապարհներն ու ենթակառուցվածքները լինելու են մեր լիարժեք ինքնիշխանության և իրավազորության ներքո` մեր տարածքային ամբողջականության շրջանակներում, և ամեն ինչ գործելու է մեր օրենսդրության համաձայն:
- Ապաշրջափակում` փոխադարձության հիման վրա: Այսինքն եթե բացվում են ճանապարհներ Ադրբեջանի համար, բացվում են նաև Հայաստանի համար` փոխադարձ առավելություններով:
Սա է ճշմարտությունը: Դրսից ու դրսից հրահանգված ներսից հնչող վնգստոցներին ուշադրություն դարձնել պետք չէ: Իսկ անկեղծ մտահոգությունները, հավելյալ պաշտոնական տեղեկություններ լինելուց հետո, վստահաբար, կփարատվեն»:
