Անօդաչու թռչող համակարգով կհսկեն. Փաշինյանի աշխատակազմը 12 միլիոնով կուժեղացնի սեփական անվտանգությունը
- Octopus Media
- Jan 14, 2024
- 1 min read
Փաշինյանի աշխատակազմը 2024 թվականը սկսել է սեփական անվտանգության ուժեղացմանը միտված գնումներ պլանավորելով։
Եվ այսպես, տարեսկզբին Փաշինյանի աշխատակազմը նախատեսել է 7 միլիոն դրամով գնել անվտանգությունն ապահովող սարքեր, 160 հազար դրամով՝ անվտանգության տեսախցիկներ, 979 հազար դրամով՝ անցակետային հսկողության սարքեր, 3 միլիոն 699 հազար դրամով՝ անօդաչու թռչող համակարգեր։
Այս բոլոր գնումները պլանավորվել են 2024 թվականի հունվարի 4-11-ն ընկած ժամանակահատվածում, իսկ թե որ ընկերություններին կվստահվի անվտանգության ապահովումը, հայտնի կդառնա գնման պայմանագրի կնքումից հետո։
