Խոշոր վթար՝ Երևանի Սեբաստիա փողոցում. տուժածներ կան

Այսօր ավտովթար է տեղի ունեցել Երևանում։ Ժամը 15։30-ի սահմաններում Սեբաստիա և Շահումյան 4-րդ փողոցների խաչմերուկում բախվել են   «Toyota ipsum» և «Nissan Tiida» մակնիշների ավտոմեքենաները, ինչի հետևանքով «Nissan Tiida»-ն հայտնվել է հետիոտնի համար նախատեսված մայթին։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 4 հոգի մարմնական վնասվածքներով տեղափոխվել է հիվանդանոց։

Վիրավորներին առաջինը օգնության են հասել քաղաքացիները, ապա՝ շտապօգնության բժիշկները։

Վթարի փաստով  նախաձեռնվել է քրեական վարույթ։