Իրանն ու ԱՄՆ-ն համաձայնության չեն հասել բանակցությունների առաջին փուլում
- 5 hours ago
- 1 min read
«Թեհրանի և Վաշինգտոնի ներկայացուցիչների միջև Իսլամաբադում կայացած բանակցությունների արդյունքում համաձայնության հասնել չի հաջողվել՝ երկու -երեք հարցի շուրջ սկզբունքային տարաձայնությունների պատճառով»,- հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։
«Մենք մի շարք հարցերի շուրջ փոխըմբռնման հասանք, բայց երկու-երեք կարևոր հարցերի շուրջ մեր տեսակետները շատ տարբեր էին, և բանակցությունները համաձայնության չհանգեցրին»,- Իրանի ԱԳՆ պաշտոնական ներկայացուցչի հայտարարությունն է մեջբերել Mehr գործակալությունը։
Հաղորդվում է նաև, որ իրանական ու ամերիկյան կողմերի միջև քննարկումները անվստահության մթնոլորտում են ընթացել։
Հիշեցնենք՝ իրանական ու ամերիկյան կողմերի ներկայացուցիչների միջև հանդիպումը Պակիստանի մայրաքաղաք Իսլամաբադում է անցկացվել, ամերիկյան կողմը ներկայացրել են փոխնախագահ Ջեյ դի Վենսը, ԱՄՆ նախագահի հատուկ ներկայացուցիչ Սթիվեն Ուիթքոֆը և խորհրդական Ջարեդ Քուշները։ Իրանական կողմից մասնակցել են Մեջլիսի նախագահ Մոհամադ Բաղեր Ղալիբաֆը և ԱԳ նախարար Աբբաս Արաղչին։
Ըստ արևմտյան լրատվամիջոցների հրապարակումների, կողմերը քննարկել են Հորմուզի նեղուցի, Իրանի միջուկային ծրագրի, Իրանի նկատմամբ սահմանված պատժամիջոցների վերաբերյալ հարցեր, ինչպես նաև հակամարտությունն ավարտելու հարցը։
