Լուկաշենկոն ստորագրել է Թրամփի առաջարկած «Խաղաղության խորհրդին» Բելառուսի անդամակցելու փաստաթուղթը

Բելառուսի նախագահ Ալեքսանդր Լուկաշենկոն Հանրապետության անունից ստորագրել է փաստաթուղթ՝ Բելառուսի՝ Թրամփի առաջարկած «Խաղաղության խորհրդին» միանալու և խորհրդի կանոնադրության դրույթները կատարելու վերաբերյալ։ Այդ մասին նա հայտարարել է լրագրողների հետ զրույցում, գրում է «Բելտա»-ն։

Պաշտոնական հաղորդագրության համաձայն՝ փաստաթուղթը ստորագրվել է սահմանված ընթացակարգի լիակատար պահպանմամբ։ Նշվում է, որ այդ ընթացակարգը նախապես ներկայացված էր ԱՄՆ նախագահ Դոնալդ Թրամփի կողմից ուղարկված նամակում։