Խաղաղության համաձայնագրի ստորագրումը հնարավոր է միայն ՀՀ-ի Սահմանադրության փոփոխության և TRIPP-ի շրջանակներում ստանձնած պարտավորությունների ամբողջական կատարման դեպքում. Բայրամով
- Lilit
- Dec 26, 2025
- 1 min read
Նախաստորագրված խաղաղության համաձայնագրի ստորագրումը հնարավոր է միայն Հայաստանի Սահմանադրության փոփոխության և TRIPP նախագծի շրջանակներում ստանձնած պարտավորությունների ամբողջական կատարման դեպքում: Այս մասին տարվա արդյունքների ամփոփմանը նվիրված մամուլի ասուլիսում հայտարարել է Ադրբեջանի արտաքին գործերի նախարար Ջեյհուն Բայրամովը։
«Նոյեմբերին Գաբալա քաղաքում տեղի է ունեցել սահմանազատման հարցով ադրբեջանական և հայկական կողմերի հանդիպումը։ Մինչ այդ՝ հունվար-փետրվար ամիսներին, նման հանդիպումներ տեղի են ունեցել առցանց ձևաչափով։
Նաև թույլտվություն է տրվել ղազախական հացահատիկը Ադրբեջանի տարածքով Հայաստան տարանցելու համար։ Սակայն վերջնական խաղաղության համաձայնագիր կնքելու համար անհրաժեշտ է կատարել մեր նախանշած պայմանները»,-ասել է նա:
