Դե-ֆակտո խաղաղությունն այսօր Հայաստանի և Ադրբեջանի միջև գոյություն ունի. Բայրամով
- 2 hours ago
- 1 min read
Դե-ֆակտո խաղաղությունն այսօր Հայաստանի և Ադրբեջանի միջև գոյություն ունի: Այս մասին ասել է Ադրբեջանի ԱԳ նախարար Ջեյհուն Բայրամովը՝ ՌԴ ԱԳՆ նախարար Սերգեյ Լավրովի հետ բանակցությունների արդյունքներին նվիրված մամուլի ասուլիսում։
«Հայաստանի և Ադրբեջանի միջև հարաբերությունների կարգավորման համատեքստում տեղի ունեցած գործընթացները, ներառյալ խաղաղության համաձայնագրի նախագծի նախաստորագրումը, եզակի հնարավորություն են ստեղծում մեր տարածաշրջանում երկարաժամկետ խաղաղության, անվտանգության և բարգավաճման հաստատման համար։
Վստահությամբ կարելի է ասել, որ դե-ֆակտո խաղաղությունն այսօր Հայաստանի և Ադրբեջանի միջև գոյություն ունի։ Իր հերթին, ադրբեջանական կողմի այն դրական նախաձեռնությունները, խաղաղ նախաձեռնությունները, որոնք մենք իրականացնում ենք, ներառյալ վստահության ամրապնդումը, լրջորեն արագացրել են և մեծ դրական ներդրում են ունեցել Ադրբեջանի և Հայաստանի միջև կարգավորման գործընթացում»,- ասել է Բայրամովը:
