Սպանության փորձ Գյումրիում․ կնոջը ծեծել էր մուրճի փայտե պոչով

Գյումրիում 39-ամյա կինն բազմաթիվ վերքերով տեղափոխվել է հիվանդանոց՝ սպանության փորձի նշաններով։

Գյումրու բնակչուհի Զ․Մ․-ն նոյեմբերի 1-ին, ժամը 21:55-ին, դիմել է բժշկական կենտրոն՝ դեմքի և գլխի շրջանում բազմաթիվ վնասվածքներով։ Դեպքի մասին հիվանդանոցից հաղորդվել է ոստիկանության օպերատիվ կառավարման կենտրոն։

Կինը հայտնել է, որ վնասվածքները ստացել է նախկին ամուսնու՝ Ա․Ա․ բնակարանում։ Դեպքի վայր մեկնած օպերատիվ խումբը՝ ՀԿԳ ավագ համայնքային ոստիկան Բադալյանի գլխավորությամբ, պարզել է, որ նախկին ամուսինները վիճաբանել են կենցաղային հարցերի շուրջ, որի ընթացքում տղամարդը կնոջը ծեծել էր մուրճի փայտե պոչով։