Նոր նշանակում ՀՀ քննչական կոմիտեում

Շիրազ Գրիգորյանը նշանակվել է ՀՀ քննչական կոմիտեի հատկապես կարևոր գործերի քննության գլխավոր վարչության խոշտանգումների և պաշտոնատար անձանց կողմից բռնություն գործադրելով լիազորությունները չարաշահելու կամ անցնելու հանցագործությունների քննության վարչության պետ:

ՔԿ-ն ներկայացրել է Շիրազ Մուշեղի Գրիգորյանի կենսագրությունը

Ծնվել է 1992թ. սեպտեմբերի 24-ին, Երևան քաղաքում:

Աշխատանքային գործունեություն

2024-2025թթ.` ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության պետի տեղակալ,

2023-2024թթ.` ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության ավագ դատախազ,

2021-2023թթ.` Երևան քաղաքի դատախազության դատախազ,

2020-2021թթ.` Երևան քաղաքի Շենգավիթ վարչական շրջանի դատախազության դատախազ,

2014-2020թթ.` ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ,

2013-2014թթ.՝ ՀՀ ոստիկանության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնի 2-րդ բաժանմունքի քննիչ։

Կրթություն

2013թ. գերազանցությամբ ավարտել է ՀՀ ոստիկանության կրթահամալիրի իրավագիտության ֆակուլտետի բակալավրիատը։

Պարգևներ

Ծառայողական պարտականությունները բարեխղճորեն կատարելու համար խրախուսվել է գերատեսչական տարբեր պարգևներով:

Այլ տվյալներ

Ամուսնացած է, ունի մեկ երեխա: