«Աստղիկ» բուժկենտրոնում 20-ամյա հղի կին է մահացել․ նախաձեռնվել է քրեական վարույթ. ԶԼՄ
- Aug 12, 2024
- 1 min read
Օգոստոսի 7-ին ողբերգական դեպք է տեղի ունեցել Երևանում։ Ժամը 17։15-ի սահմաններում ՀՀ Ներքին գործերի նախարարության ոստիկանության Մալաթիայի բաժնում օպերատիվ տեղեկություններ են ստացվել, որ «Աստղիկ» բժշկական կենտրոնում հղի կին է մահացել։ Այս մասին գրում է Shamshyan.com-ը` հղում անելով իր տեղեկություններին։
Ոստիկաններն ու քննիչները պարզել են, որ մահացածը Տավուշի մարզի գյուղերից մեկի բնակիչ 20-ամյա Մարինե Պ․-ն է, ով եղել է 20 շաբաթական հղի և ստացիոնար բուժման մեջ է գտնվել։
Դեպքի փաստով «սպանություն» հատկանիշներով նախաձեռնվել է քրեական վարույթ։
Քննիչի որոշմամբ նշանակվել է դիակի դատաբժշկական փորձաքննություն։
