TRIPP-ի շուրջ աշխատանքն ընթանում է, շինարարարության փուլում 3-րդ գործընկերոջ կարիքը կունենանք. Արարատ Միրզոյան
- 2 hours ago
- 1 min read
TRIPP-ի շուրջ աշխատանքն ընթանում է, 3-րդ գործընկերոջ կարիքը կունենանք: Այս մասին Էստոնիայի ԱԳ նախարար Մարգուս Ցահքնայի հետ համատեղ ասուլիսի ժամանակ ասել է ՀՀ ԱԳ նախարար Արարատ Միրզոյանը:
«Չնայած աշխարհում և մեր մեծ տարածաշրջանում ընթացող ոչ այնքան բարենպաստ գործընթացներին, Հայաստանի և ԱՄՆ-ի միջև երկկողմ աշխատանքները շարունակվում են: Առիթ ունեցել եմ ասելու՝ հիմա դեռ աշխատանքների փաստաթղթային փուլն է, գտնվում ենք միջպետական պայմանագրի համաձայնեցման փուլում:
Հուսանք, որ որքան հնարավոր է շուտ մենք կթևակոխենք հաջորդ՝ շինարարության փուլ։ Ահա այստեղ է, որ մենք 3-րդ գործընկերների կարիքն ենք ունենալու, իհարկե, պայմանագիրը երկկողմ է լինելու՝ Հայաստան-ԱՄՆ, սակայն և շինարարության, և ամենայն հավանականությամբ համակարգերի կառավարման փուլում գործընկերների կարիքն ունենալու ենք:
Գաղտնիք չէ, TRIPP-ը որքան էլ երկկողմ նախագիծ է, այն բխում է բազմաթիվ երկրների շահերից` սկսած Չինաստանից, վերջացրած Պորտուգալիայով, էլ չասած մեր անմիջական հարևաններին»,- նշել է նա:
