Վլադիմիր Պուտինն առանձին, ոչ պաշտոնական հանդիպումներ կունենա Նիկոլ Փաշինյանի և Իլհամ Ալիևի հետ. Պեսկով
- Lilit
- 2 hours ago
- 1 min read
Վլադիմիր Պուտինն առանձին, ոչ պաշտոնական հանդիպումներ կունենա Նիկոլ Փաշինյանի և Իլհամ Ալիևի հետ, հայտարարել է Կրեմլի խոսնակ Դմիտրի Պեսկովը Sputnik-ի փոխանցմամբ:
«Դրանք կկայանան այս օրերին Սանկտ Պետերբուրգում անցկացվող ԱՊՀ երկրների ղեկավարների ավանդական հանդիպման շրջանակներում։ Նման ոչ պաշտոնական շփման օրերը միշտ ուղեկցվում են առանձին ոչ պաշտոնական երկկողմ շփումներով։ Ահա թե ինչ արժեք ունի այս ձևաչափը», - լրագրողներին ասել է ՌԴ նախագահի մամուլի քարտուղարը։
Դեկտեմբերի 21-ին Սանկտ Պետերբուրգում կկայանա Եվրասիական տնտեսական բարձրագույն խորհրդի նիստը, որին կհաջորդի ԱՊՀ ոչ պաշտոնական գագաթնաժողովը դեկտեմբերի 22-ին: Այս միջոցառումները Նոր տարվա նախօրեին անցկացնելը դարձել է ավանդույթ։
