ԵՊՀ-ում ռեկտորի ընտրությունից մեկ օր առաջ աշխատակիցները պարգևավճարներ են ստացել
- Nov 20, 2022
- 1 min read
Այսօր՝ դեկտեմբերի 17-ին, ԵՊՀ-ում տեղի է ունենալու ռեկտորի ընտրություն։ Միակ թեկնածուն ԱԺ նախկին պատգամավոր Հովհաննես Հովհաննիսյանն է, ով սերտ հարաբերություններ ունի իշխանությունների հետ, իսկ ԵՊՀ հոգաբարձուների խորհուրդը նախագահում է Հովհաննիսյանի մտերիմ, ՔՊ վարչության նախագահ, համատեղությամբ՝ Պաշտպանության նախարար՝ Սուրեն Պապիկյանը։
MediaHub.am-ի տեղեկություններով երեկ ԵՊՀ պրոֆեսորադասախոսական կազմը հավելավճարներ է ստացել և սա պատահական չէ, քանի որ ԵՊՀ-ում հավելավճարներ հազվադեպ են տալիս, իսկ ռեկտորի ընտրությունից մեկ օր առաջ աշխատակիցներին պարգևատրելը հավելյալ ժեստ է։
Նշենք, որ այս պահին ԵՊՀ-ում ուսանողները ակցիա են իրականացնում, նրանք դեմ են Հովհաննես Հովհաննիսյանի թեկնածությանը։
Արմինե Նավոյան
