ՀՀ ԱԱԾ պահեստազորի սպաների միության ուղերձը Ազգային անվտանգության մարմինների աշխատողի օրվա առթիվ
- Nov 20, 2022
- 1 min read
ՀՀ ԱԱԾ պահեստազորի սպաների միության շնորհավորական ուղերձը՝ Ազգային անվտանգության մարմինների աշխատողի օրվա կապակցությամբ․
Դեկտեմբերի 20-ն ընդունված է որպես Հայաստանի ազգային անվտանգության ծառայության հիմնադրման օր՝ կառույց, որը չնայած քաղաքական ալեբախումների ժամանակներում ունեցել է գոյության և ստվերոտ շրջափուլ, սակայն գերազանցապես ապրել ու գործել է երկրի համար ողնասյուն լինելու, պետականության պահպանման գաղափարով: Համակարգի համար նվիրական այս օրը շնորհավորում ենք գործող և պահեստազորում գտնվող բոլոր աշխատակիցներին, մաղթում խաղաղ ծառայություն, բարեկեցություն, աշխատանքային ձեռքբերումներ:
Հայրենիքի համար այս օրհասական պահին անվտանգության ծառայության աշխատակցի բարձր կոչումն է բոլորիս պարտավորեցնում անտարբեր չլինել, մի կողմ չքաշվել երկրի առջև ծառացած խնդիրներից: Ի վերջո գալու է պահը, երբ ամեն մեկն իրեն հարց է ուղղելու` ստեղծված իրավիճակում ինչ է արել ինքը Հայաստանի համար:
Որպես ավանդույթների շարունակություն ու շարունակականություն, ԱԱԾ պահեստազորի սպաների միությունն այսօր խորհրդի անդամներով ծաղիկներ է խոնարհել կառույցի երկարամյա տնօրեն Գորիկ Հակոբյանի, տնօրենի առաջին տեղակալ Հրաչյա Հարությունյանի շիրիմներին:
