Պեսկովը՝ Պուտինի զրահաբաճկոնի, ամանորյա ուղերձը խմբագրելու վերաբերյալ հաղորդագրությունների մասին

Սոցցանցերի օգտատերերը համարել են, որ ՌԴ նախագահ Վլադիմիր Պուտինի ամանորյա ուղերձը մոնտաժված է, այլ ոչ թե մեկ դուբլով ձայնագրված, եւ որ պետության ղեկավարը զրահաբաճկոնով է եղել։

Նախագահի մամուլի քարտուղար Դմիտրի Պեսկովը Daily Storm-ի հետ զրույցում ասել է, որ համացանցում մեկնաբանները «չափն անցել են» ենթադրություններով։

«Սա կատարյալ հիմարություն է։ Տղաներն ակնհայտորեն չափազանցրել են Նոր տարում: Շնորհավոր Նոր տարի»- ասել է Պեսկովը։

Դեկտեմբերի 31-ի իր ուղերձում Պուտինը մի քանի թեմաներ է բարձրացրել։ Նա շնորհակալություն է հայտնել բժիշկներին եւ զինվորականներին, ովքեր պայքարում են կորոնավիրուսի դեմ եւ աջակցել են այն քաղաքացիներին, ովքեր հիվանդության պատճառով հարազատներ են կորցրել։

Երկրի ղեկավարը նաեւ հույս է հայտնել, որ 2022 թվականը հաջողություն եւ նոր հնարավորություններ կբերի բոլորին։ Նա նշել է, որ ծրագրերի իրականացումը կախված է հենց մարդկանց ջանքերից, այն առաջնահերթություններից, որոնք մարդը դնում է։