Քաղաքական գործիչները պետք է բացառեն բազմաբևեռության պայմաններում քաոսային մրցակցությունը․ Լավրով

Քաղաքական գործիչները պետք է ապահովեն տնտեսական և քաղաքական ազդեցության կենտրոնների զարգացումը՝ միաժամանակ բացառելով քաոսային մրցակցության ի հայտ գալը։

Այս մոտեցումը կարևոր է բազմաբևեռության ժամանակակից պայմաններում։Այս մասին հայտարարել է ՌԴ արտգործնախարար Սերգեյ Լավրովը, փոխանցում է ՏԱՍՍ-ը։

«Ուժի նոր կենտրոնները վաղուց են հաստատվել համաշխարհային ասպարեզում և ուժեղանում են որպես տնտեսական զարգացման կենտրոններ, որպես ֆինանսական ուժի կենտրոններ, և դրա հետ մեկտեղ գալիս է քաղաքական ազդեցությունը»,-ասել է Լավրովը։ «Ուստի քաղաքական գործիչների խնդիրն է ապահովել, որ այս բազմաբեւեռությունը նման ոչ լեգիտիմ, անընդունելի միջոցներով չվերածվի քաոսային մրցակցության»,-նշել է Լավրովը։

Լավրովը հավելել է, որ հիմնական նախաձեռնությունն այժմ ուղղված է համաշխարհային ասպարեզում խոշոր խաղացողների շահերի ներդաշնակեցմանը։ «Մեր շահերից է բխում այնպես անել, որ քաոս չառաջանա», ընդգծել է Լավրովը։