Սևերի և սպիտակների կnրծանարար թեզերից հրաժարվելու շրջանակում պետք է վերականգնվի հանդուրժողականությունն ու խոսքի ազատությունը. Հենրիխ Դանիելյան
- Lilit
- Oct 29
- 1 min read
Մենք պետք է պայքարենք, որ միջազգային կառույցների աչքերը բացվեն և նրանք հայացք սևեռեն այս անօրինական գործողություններին և դրանց դադարեցմանն ուղղված գործընթացին: Այս մասին Ազգային ժողովի դիմաց, բողոքի ակցիայի ժամանակ ասաց ՀՀԿ ԵԿ ղեկավար Հենրիխ Դանիելյանը: Այն ուղղված է Հայաստանում քաղաքական բանտարկյալների և Բաքվում պատանդառվածների ազատությանը:
«Այսօր ՀՀ-ում արդարությունը առնվազն հիվանդացել է և մենք պետք է բուժենք այն արդարությունը, որն ունեցել ենք մինչև 2018 թվականը: Խոսքի ազատությունը և քաղաքական հանդուրժողականությունը պետք է վերականգնվի սևերի և սպիտակների կործանարար թեզերից հրաժարվելու շրջանակում»,-նշեց նա:
Նա թվարկեց քաղաքական հայացքների համար Հայաստանում անազատության մեջ գտնվողների անունները, ինչպես նաև ռազմաքաղաքական ղեկավարների անունները, որոնք այս պահին գտնվում են ադրբեջանական բանտում: Ներկաներն «ազատությու՛ն» վանկարկեցին:
Դանիելյանը կոչ արեց եվրոպացի գործընկերներին անտարբեր չմնալ և հստակ քայլեր ձեռնարկել նրանց ազատության համար:
Հիշեցնենք, որ այժմ Ազգային ժողովում տեղի է ունենում Եվրանեսթ խորհրդարանական վեհաժողովի 12-րդ լիագումար նիստը:
