Լևոն Քոչարյանի՝ երկրից չբացակայելու խափանման միջոցը փոխվել է
- Lilit
- Mar 12, 2024
- 1 min read
«Երևանի ընդհանուր իրավասության դատարանի որոշմամբ՝ ԱԺ «Հայաստան» խմբակցության պատգամավոր Լևոն Քոչարյանի՝ երկրից չբացակայելու խափանման միջոցը փոխվել է։
Դատարանը որոշել է կիրառել գրավ՝ 2 մլն դրամի չափով։Դատական նախորդ նիստում դատարանը մերժել էր ԱԺ «Հայաստան» խմբակցության պատգամավոր Լևոն Քոչարյանի նկատմամբ խափանման միջոց՝ երկրից բացակայելու արգելքի վերացման միջնորդությունը։
Հիշեցնենք՝ 2023 թվականի սեպտեմբերի 22-ին Լևոն Քոչարյանին հասարակական կարգը խախտելու համար ՆԳՆ ոստիկանները բերման էին ենթարկել, որի ժամանակ նա դիմադրություն էր ցուցադրել:
Նույն օրը Քոչարյանը ձերբակալվել էր, այնուհետև՝ կալանավորվել:
2023-ի հոկտեմբերի 18-ին քննիչը և դատախազը միջնորդել էին Լևոն Քոչարյանի կալանքը 2 ամսով երկարաձգելու վերաբերյալ: Միջնորդությունը բավարարվել էր:
Ռոբերտ Քոչարյանի որդին՝ Լևոն Քոչարյանը, նոյեմբերի 6-ի ԿԸՀ արտահերթ նիստում ստանալով պատգամավորի կարգավիճակ, ազատ արձակվեց:
