Քենեդիի անվան օպերային թատրոնը կվերանվանվի Թրամփի կնոջ անունով

ԱՄՆ Կոնգրեսի հանրապետականներն առաջարկում են Վաշինգտոնում գտնվող Ջոն Ֆ. Քենեդիի անվան կատարողական արվեստների կենտրոնի մի մասը վերանվանել առաջին տիկին Մելանյա Թրամփի պատվին: Այս մասին գրել է  ԱՄՆ կոնգրեսական Մայք Սիմփսոնը X սոցիալական ցանցում։

«Քենեդի կենտրոնի օպերային թատրոնը Մելանյա Թրամփի անունով կոչելը հրաշալի միջոց է ճանաչելու առաջին տիկնոջ սերն արվեստի նկատմամբ», - գրել է Սիմփսոնը։

Հավելենք՝ Ջոն Ֆ. Քենեդիի անվան օպերային թատրոնը Վաշինգտոնի հայտնի Քենեդի կենտրոնի մի մասն է, որը բացվել է 1971 թվականին՝ ի հիշատակ Միացյալ Նահանգների 35-րդ նախագահի: Թատրոնը կարողանում է հյուրընկալել մոտ  2200 հանդիսատես: 

Նշենք նաև, որ 2025 թվականի փետրվարին ԱՄՆ նախագահ Դոնալդ Թրամփն իրեն նշանակեց Քենեդիի կենտրոնի խորհրդի նախագահ: