Իլոն Մասկի արհեստական ինտելեկտը «մերկացրել» է Թեյլոր Սվիֆթին՝ առանց հարցնելու. պոռնոգրաֆիկ դիպֆեյքերի սկանդալը

Իլոն Մասկի XAI-ից Grok Imagine անվամբ նոր գործիքը՝ «spicy mode», հայտնվել է սկանդալի կենտրոնում, այն բանից հետո, երբ այն ստեղծել է Թեյլոր Սվիֆթի լիովին մերկ տեսանյութեր՝ առանց օգտատերերին հստակ հարցնելու, ըստ The Verge-ի։

Դարհեմի համալսարանի իրավագիտության պրոֆեսոր Քլեր ՄաքԳլինը, որը մասնակցել է պոռնոգրաֆիկ դիպֆեյքերի արգելման օրինագծի մշակմանը, դա անվանել է «ոչ թե պատահական, այլ միտումնավոր կնատյացություն»։ «X-ի նման հարթակները կարող էին կանխել դա, բայց նրանք գիտակցված ընտրություն կատարեցին՝ չանելու համար»։

Ըստ The Verge-ի, անհրաժեշտ էր միայն անվնաս որոնման հարցում, օրինակ՝ «Թեյլոր Սվիֆթը նշում է Քոաչելլան ընկերների հետ» և ընտրել «spicy» ռեժիմը։ Փորձարկումներից մեկի ժամանակ արհեստական ինտելեկտը նախ ցույց է տվել երգչուհուն զգեստով, ապա «անմիջապես» ստեղծել է տեսանյութ, որտեղ նա լիովին մերկ է։ The Verge-ի լրագրող Ջես Ուեզերբեդը ընդգծել է, որ ինքը չի խնդրել արհեստական ինտելեկտին մերկացնել Սվիֆթին։

Միևնույն ժամանակ, ինչպես նշվեց, Grok Imagine-ը չի օգտագործել տարիքի լիարժեք ստուգման մեխանիզմներ, չնայած Մեծ Բրիտանիայում 2025 թվականի հուլիսից գործում է օրենք, որը պարտավորեցնում է բացահայտ բովանդակություն ունեցող հարթակներին իրականացնել «հուսալի և ճշգրիտ» ստուգում։

XAI-ը դեռևս չի մեկնաբանել իրավիճակը։ Ծառայության ներքին կանոնների համաձայն՝ անձի պատկերի օգտագործումը պոռնոգրաֆիկ համատեքստում արգելվում է։

Սա Թեյլոր Սվիֆթի պատկերի չարտոնված օգտագործման առաջին դեպքը չէ. 2024 թվականի հունվարին նրա դեմքով դիփֆեյքերը տարածվեցին X-ում և Telegram-ում՝ հավաքելով միլիոնավոր դիտումներ։ Այնուհետև X-ը ժամանակավորապես արգելափակեց նրա անունով որոնումները և խոստացավ ջնջել նման պատկերները։ Մեծ

Բրիտանիայում պոռնոգրաֆիկ դիփֆեյքերի ստեղծումը ներկայումս անօրինական է միայն «վրեժխնդրության պոռնոյի» կամ անչափահասների պատկերների հետ կապված դեպքերում։ Սակայն, կառավարությունը արդեն պատրաստում է փոփոխություններ, որոնք կարգելեն նման նյութերի ստեղծումը կամ պատվիրումը առանց պատկերված անձի համաձայնության, հաղորդում է BBC-ն։ Օրենքում փոփոխությունները նախաձեռնած բարոնուհի Օուենն ասել է.

«Յուրաքանչյուր կին պետք է ինքը որոշի, թե ում են պատկանում իր ինտիմ լուսանկարները: Այս դեպքը հստակ օրինակ է, թե ինչու արգելքի ներդրումը չի կարող հետաձգվել»:

Մեծ Բրիտանիայի արդարադատության նախարարությունը հաստատել է, որ չարտոնված դիփֆեյքերը համարում է «նվաստացուցիչ և վնասակար» և մտադիր է արգելել դրանց ստեղծումը «հնարավորինս շուտ»: