«Դու ո՞վ ես, արա, լավ եմ անում խփում եմ, հելեք դուս, զզվցրիք». Միջադեպ ավտոբուսին վարորդի և ուղեւորուհին միջեւ
- Lilit
- Apr 29
- 1 min read
Համացանցում տարածվել է տեսանյութ, որտեղ միջադեպ է տեղի ունենում ավտոբուսի վարորդի եւ ուղեւորներից մեկի միջեւ:
Տեսանյութում վարորդը դիմելով իրեն նկարահանող ուղեւորուհուն, ասում է. «Լսի, աղջիկ ջան, գնա հեռախոսովդ, գնա ոստիկանություն զանգի, հերիք եղավ, բոլ եղավ, արա: Ի՞նչ ես վեկալել, նկարում: Դու ո՞վ ես, արա»:
Կինը արձգանքում է. «Ինչո՞ւ եք ձեռքս բռնում, խփո՞ւմ ես ինձ»:
Վարորդն արձագանքում է. «Լավ եմ անում, հելեք դուրս, ասեցի: Զզվցրիք արդեն, գնա էն կողմ: Ի՞նչ եք վրա տվել, նկարում եք, նադայել արիք»:
Օգտատերերից մեկը տարածել է տեսանյութը, նշելով ավտոբուսի համարանիշը՝ 5750 S:
Նա նաեւ գրառում է արել.
ՀՀ ներքին գործերի նախարարություն
Որ Երևանի ավտոբուս ՓԲԸ-ի վարորդը էսպես վստահ ասում է՝ «զանգի ոստիկանություն», կարող ա՞ իր անօրինական գործողությունները պաշտպանված են ձեր կողմից ու ինքը գիտի, որ անպատիժ է մնալու։
Երևանի քաղաքապետարան
Այսպիսի վարք դրսևորված վարորդների և նրանց արարքների համար դուք եք պատասխանատու, որովհետև դուք եք նրանց ընդունում աշխատանքի, դուք եք իրենց հետ պայմանագիր կնքում, դուք եք վերահսկում իրենց։
ՀՀ գլխավոր դատախազություն
Վերջապես ինչ-որ մեկը նման պահվածքի համար պատասխանատուն տալու՞ է, թե՞ ոչ։
ՀՀ Մարդու իրավունքների պաշտպան
Տուկ տուկ։ Դուք տեղու՞մ եք։
Տիգրան Ավինյան
Այս վարորդը` նվազագույնը պետք է հեռացվի աշխատանքից»:
