Անգլիայում ճամպրուկում մարդկային մնացորդների հայտնաբերման հետ կապված ձերբակալվել է մեկ տղամարդ

Բրիտանական ոստիկանությունը շաբաթ ձերբակալել է մի տղամարդու՝ կապված երկու մարդկանց մահվան հետ, որոնց մնացորդները գտնվել են երկու ճամպրուկներում Անգլիայի հարավ-արեւմուտքում, տեղեկացրել է АР-ը։

Լոնդոնի ոստիկանությունը տեղեկացրել է, որ զինված սպաները ձերբակալել են 24-ամյա կասկածյալին Բրիսթոլի երկաթուղային կայարանում շաբաթ վաղ առավոտյան։

Ոստիկանությունը նաեւ նշել է, որ նախօրեին Լոնդոնի արեւմտյան Շեփերդս Բուշի հասցեներից մեկում գտնվել են մարդկային մնացորդներ՝ ենթադրաբար կապված նրանց հետ, ինչը հայտնաբերվել էր Բրիսթոլի Քլիֆտոն կախովի կամրջի մոտ չորեքշաբթի։

Կասկածյալը կտեղափոխվի Լոնդոն հարցաքննության համար, նշվել է ոստիկանության հայտարարությունում։ Շարունակվում է հետաքննությունը, սակայն այս փուլում ոստիկանությունը ոչ մեկին չի փնտրում այս միջադեպի հետ կապված։

Զոհերը դեռ նույնականացված չեն, բայց ենթադրվում է, որ երկուսն էլ մեծահասակ են։ Նույնականացումը շարունակվում է։