Խաղաղության նոր փուլ․ հայ հասարակական պատվիրակությունը պատրաստվում է մեկնել Ադրբեջան. ԱԽ քարտուղար
- Lilit
- 2 days ago
- 1 min read
Հայաստանի քաղաքացիական հասարակության ներկայացուցիչների պատվիրակությունը առաջիկայում կայցելի Ադրբեջան։ Այս մասին հայտնել է ՀՀ անվտանգության խորհրդի քարտուղար Արմեն Գրիգորյանը՝ Բրյուսելում կայացած «Ռասմուսեն Գլոբալ» կազմակերպության «Խաղաղության խաչմերուկ» համաժողովի ընթացքում։
Գրիգորյանը հիշեցրել է, որ հոկտեմբերի 21-22-ին առաջին անգամ ադրբեջանական քաղաքացիական հասարակության ներկայացուցիչները եղել են Հայաստանում՝ մասնակցելով երկկողմ կլոր-սեղան քննարկման։
Նախքան այս այցը, Հայաստանի ազգային անվտանգության ծառայության տնօրենը մասնակցել էր Բաքվում անցկացված Միջազգային անվտանգության ֆորումին։
ԱԽ քարտուղարի խոսքով՝ նմանատիպ փոխայցելությունները և երկխոսության ձևաչափերը կխթանեն վստահության և փոխըմբռնման մթնոլորտի ստեղծմանը երկու երկրների հասարակությունների միջև՝ նպաստելով տարածաշրջանային խաղաղության ամրապնդմանը։
