Տեր Տարոնը հրաժարվել է Մայր Աթոռի կարգապահական հանձնախմբում քննարկել իր անձնական ու ծառայական հարցերը

Ստեփան Ասատրյանի կեղծ պատարագի մասնակից Տեր Տարոնը հրաժարվել է Մայր Աթոռի կարգապահական հանձնախմբում քննարկել իր անձնական ու ծառայական հարցերը. պատճառը, ըստ նրա, հանձնախմբի անդամներն են։

Նա այսօր հրավիրվել էր Մայր Աթոռ, եկավ, ներկայացավ հանձնախմբին, բայց րոպեներ անց դուրս եկավ Մայր Աթոռից։

Լրագրողների հետ զրույցում ասաց, թե չի ուզում, որ հանձնախմբի այդ կազմը քննարկի իր հարցը։

Կեղծ պատարագի մասնակիցը, սական, այդպես էլ անուններ չտվեց, թե ում հատկապես չի ցանկանում տեսնել այդ հանձնախմբում։