«Խաղաղության խաչմերուկ» ծրագիրը շատ լավ ընկալվում է միջազգային հանրության կողմից. Խաչատուրյան
- Lilit
- Jul 29
- 1 min read
Սյունիքը Հայաստանի զարգացման դարպասն է դառնալու հետագա զարգացման համար, Սյունիքի մարզ կատարած աշխատանքային այցի ընթացքում այս մասին հայտարարել է ՀՀ նախագահ Վահագն Խաչատուրյանը:
«Եթե մենք կարողանում ենք Սյունիքի դարպասները բացել, ես ի նկատի ունեմ 43 կմ հնարավորությունները, ուրեմն իսկապես վստահ եղեք, որ ապագան զարգացման առումով, շատ մեծ հնարավորություններ է տալու մեզ։
Եվ այն մեծ ծրագիրը, որը մենք հիմա ներկայացնում ենք ու առաջ ենք տանում՝ «Խաղաղության խաչմերուկը», շատ լավ ընկալվում է միջազգային հանրության կողմից։ Ես կարող եմ ուղղակի իմ անձնական շփումների արդյունքում դա ներկայացնել ձեզ։
Բոլորի համար շատ գրավիչ է և շատ տեսանելի է։ Շատ մեծ հայտնագործություն չենք արել, բայց երբ որ այն, ինչ կա, իրականություն է, սեղանին ենք դնում ու պատկերավոր ներկայացնում այդ հնարավորությունները, հասկանում ենք, թե որքան կարևոր է այս 43 կիլոմետրը և Սյունիքը։ Մեր նպատակը հետևյալն է՝ ամենամոտ ժամանակում ստորագրել «Խաղաղության համաձայնագիրը»»,- ասել է նախագահը։
