«Ինտեր Մայամին» առաջին անգամ դուրս եկավ MLS-ի քառորդ եզրափակիչ, Մեսսին՝ դուբլի և պատմական ցուցանիշի հեղինակ
- Lilit
- 3 hours ago
- 1 min read
Այսօր՝ նոյեմբերի 9-ին, MLS-ի 1/8-րդ եզրափակիչի երրորդ խաղում «Ինտեր Մայամին» սեփական հարկի տակ 4։0 հաշվով առավելության է հասել «Նեշվիլի» նկատմամբ՝ իր պատմության մեջ առաջին անգամ դուրս գալով մրցաշարի քառորդ եզրափակիչ։
Մայամին ներկայացնող ակումբի կազմում դուբլի և գոլային փոխանցման հեղինակ է դարձել թիմի արգենտինացի հարձակվող և ավագ Լիոնել Մեսսին։ Այդ գոլային փոխանցումը արգենտինացու կարիերայի հոբելյանական՝ 400-րդն էր։ Դուբլի հեղինակ է դարձել նաև մայամին ներկայացնող ակումբի արգենտինացի կիսապաշտպան Տադե Ալոնդին։
MLS-ի փլեյ-օֆֆի քառորդ եզրափակչում «Ինտեր Մայամին» կմրցի «Ցինցինատիի» հետ։
Այս մրցաշրջանում արգենտինացի հարձակվողը ամերիկյան ակումբի կազմում անցկացրել է 42 խաղ բոլոր մրցաշարերում, խփել է 40 գոլ և կատարել 17 գոլային փոխանցում։ Լիոնել Մեսսին դարձել է նաև MLS-ի լավագույն ռմբարկուն։
