«Եվրատեսիլ 2025»-ի եզրափակիչում Հայաստանի ժյուրիի միավորները կհայտարարի Լուսինե Թովմասյանը
- Lilit
- May 17
- 1 min read
«Եվրատեսիլ 2025»-ի եզրափակչում Հայաստանի ժյուրիի միավորները կհայտարարի «Միսս Հայաստան 2003» տիտղոսակիր Լուսինե Թովմասյանը։ Նա արդեն մեկ անգամ հանդես է եկել որպես Հայաստանի խոսնակ՝ 2011 թվականին։
«Եվրատեսիլ 2025»-ի եզրափակիչ համերգը կմեկնարկի Երեւանի ժամանակով 23:00-ին։ Հայաստանի պատվիրակ Պարգը ելույթ կունենա 18-րդ համարի ներքո։
Հայաստանի օգտին քվեարկելու համար հարկավոր է 18 թիվն ուղարկել ձեր երկրում առանձնացված կարճ համարին:
Քվեարկության կարգին եւ մանրամասներին ծանոթանալու համար կարող եք նաեւ հետեւել մրցույթին` ձեր երկրում այն հեռարձակող հեռուստաընկերությամբ:
Եզրափակիչում քվեարկում են «Եվրատեսիլին» մասնակցող բոլոր երկրները:
Քվեարկել հնարավոր է նաեւ աշխարհի այլ երկրներից, որոնք չեն մասնակցում «Եվրատեսիլ» երգի միջազգային մրցույթին՝ www.esc.vote կայքի միջոցով:
Հայաստանից Պարգի օգտին քվեարկել հնարավոր չէ:
Այլ մասնակիցների օգտին քվեարկելու համար Հայաստանում գործում է 1004 կարճ համարը:
