Հայաստանի Սահմանադրությունից Ադրբեջանի նկատմամբ տարածքային պահանջները պետք է բացառել․ ԱՄՆ դեսպան
- Lilit
- Sep 22
- 1 min read
«Զանգեզուրի միջանցքը» կարող է խոշոր ներդրումներ ներգրավել Ադրբեջան: Այս մասին հայտարարել է Ադրբեջանում ԱՄՆ նախկին դեսպան Մեթյու Բրայզան միջազգային ներդրումային համաժողովի ժամանակ:
Բրայզան ընդգծել է, որ Ադրբեջանը, օգտագործելով կապերը Թուրքիայի, Վրաստանի և Եվրոպայի հետ, ամրապնդում է իր անկախությունը և ստեղծել է գրավիչ ներդրումային միջավայր:
«Այդ ժամանակ Հեյդար Ալիևը հայտարարեց, որ Ադրբեջանի նավթն ու գազը բաց են աշխարհի համար և ասաց, որ անհրաժեշտ է ներգրավել օտարերկրյա ներդրողներին։ Այդ ժամանակ ԱՄՆ-ն այստեղ ավելի շատ աշխարհաքաղաքական, քան տնտեսական շահեր ուներ»,- ասել է նա։
Բրայզան հավելել է՝ «ղարաբաղյան հակամարտությունը երկար տարիներ միշտ սպառնալիք է եղել ներդրողների համար»:
Ադրբեջանական լրատվամիջոցների փոխանցմամբ՝ նախկին դեսպանը նշել է՝ Հայաստանի Սահմանադրությունից Ադրբեջանի նկատմամբ տարածքային պահանջները բացառելու անհրաժեշտությունը:
