Հայաստանի ամբողջ ընդդիմադիր դաշտը, Փաշինյանի հետ միասին, աշխատել են, որ Արայիկ Հարությունյանն ընտրվի նախագահ. Բաբայան

Հայաստանի ամբողջ ընդդիմադիր դաշտը, Փաշինյանի հետ միասին, աշխատել են, որ Արայիկ Հարությունյանն ընտրվի նախագահ:

Այս մասին 1in TV-ին տված հարցազրույցում հայտարարել է Արցախի ՊԲ նախկին հրամանատար Սամվել Բաբայանը։

«2023 թվականի օգոստոսի 9-ին բանակցությունների  գլխավոր պակետը՝ իրա քարտեզով  Ադրբեջանին ենք փոխանցել, ամսի 26-ին պատասխանել են 3 կետի, ամսի 28-ին Ղարաբաղի էլիտան հավաքվում է մի դահլիճում, նախագահի հրավերով,  ես ելույթ եմ ունենում, մինչև այդ էլ ես նախագահի հետ խոսել եմ, որ ժամանակ է պետք,  10-15 օր՝  վերջնական Ադրբեջանից պատասխան ստանամ:

3 օրից հետո Արայիկ Հարությունյանը հրաժարական է տալիս: Դրանից հետո գալիս է նոր նախագահը՝ Սամվել Շահրամանյանը: Նոր նախագահին նույնը ասել եմ, նա պատասխանել է, որ իրենց աղբյուրներով ճշտել են, որ ոչ մի բանակցություն չկա: Ադրբեջանի հետ իմ բանակցությունները եղել է առանց ռուսական կողմի մասնակցության:

Ադրբեջանի էքսպերտները սեպտեմբերի 7-ին ասում են, որ եթե ընտրվի այս ինչ անձը, ապա իրենք հատուկ գործողություն են անելու, եթե ընտրվի Բաբայանը իրենք բանակցային գործընթացով կընթանան: Այդ ձայնագրույթունը տված է Հայաստանի քննչականին: Բայց այդ մարդիկ ընտրություն են անում, և ասում, որ ամբողջ պատասխանատվությունը իրենք վերցնում են: Հարց ունեմ, պատասխանատվություն վերցնողներ, ո՞ւր եք»,-հայտարարել է Բաբայանը: 

Բաբայանը հայտարարել է, որ արցախցիները Արցախբանկի 47 տոկոսի սեփականատերն են:

«Արցախցիները Արցախբանկի 47 տոկոսի սեփականատերն են և իրանք դրա մասին չգիտեն»,-հայտարարել է Բաբայանը: