Ամենամեծ խնդիրը հոսանքի հաճախակի անջատումն ու համակարգի մաշվածությունն է. ՀԾԿՀ նախագահ

Ամենամեծ խնդիրը, որ այսօր ունենք, հոսանքի հաճախակի անջատումներն ու համակարգի մաշվածությունն է. Ազգային ժողովում  էլեկտրաէներգիայի անջատումները՝ խնդիրներն ու լուծումները թեմայով հրավիրված քննարկմանը հայտարարեց ՀԾԿՀ նախագահ Գարեգին Բաղրամյանը։

«Ռեսուրսները, որոնք պետք է ուղղվեին սպասարկման ոլորտի աշխատանքներին, այլ ուղղությամբ էին ծախսվում, կանխատեսվող նոր սպառողների միացումներն են շատացել»,-ասաց նա։

Գարեգին Բաղրամյանը նշեց, որ վերանայվել են նոր միացման վճարումները՝ էականորեն թանկացվել են և բերվել շուկայական գների։

«Մինչ այդ գոյություն ունեցող բոլոր բաժանորդների միջոցներով սակագնի տեսքով որոշակի փոխհատուցում էինք նոր միացողներին, կառուցապատողներին, և այլն»,-ասաց նա։

ՀԾԿՀ նախագահը նշեց, որ 2016-ին ունեցել են 1 մլն բաժանորդ, 23-ին, ըստ ներդումային ծրագրի, նախատեսվում էր 1, 61 000։

«Բայց այսօր ունենք փաստացի 1, 116 500, այսինքն՝ 54 500 բաժանորդ ավելի շատ է միացել, քան նախատեսված էր այս 7 տարիների ընթացում»,-ասաց նա։