ՊՊԾ գնդի «այլանդակ վարքագիծն ակնառու էր»․ «ՔՊ-ական ոհմակի լայնամասշտաբ գրոհին» միջամտելու փոխարեն փորձում էին զսպել ընդդիմադիրներին. Մինասյան

Շնաբարո դուրսպրծուկների գնահատումն այսօր ամբողջ ծավալով տեղի ունեցավ այստեղ. լրագրողների հետ զրույցում ասաց  «Հայաստան» խմբակցության պատգամավոր Արծվիկ Մինասյանը՝ ներկայացնելով, իր իսկ խոսքով, «ՔՊ-ական ոհմակի լայնամասշտաբ գրոհը Արթուր Սարգսյանի և ընդդիմադիրների ուղղությամբ»։

Մինասյանը նշեց, որ ՊՊԾ գնդի «այլանդակ վարքագիծը ակնառու էր։ «Նրանք ոչ միայն չէին միջամտում, այլ նաև ընդդիմադիր հատվածին փորձում էին զսպել, որպեսզի մի շարք ՔՊ անբարոյականներ իրենց հայհոյանքները և հարվածները փորձեն տեղալ»,-ասաց նա։ 

Նա հաստատեց, որ անհայտ անձինք ևս մուտք էին գործել ԱԺ դահլիճ և ՊՊԾ-ն դա թույլատրել էր։ 

«Սա պատահական չէ, տեսնում եք դաշտում ինչ լայնամասշտաբ բարոյազուրկ հարձակում է... Այս ամենը ցույց է տալիս, որ ՔՊ-ն ինչպես պղծել է մեր սրբությունները, պղծում է  նաև օրենսդիր մարմինը և այս պղծման հետ երկիրը, պետականությունը տանում են կործանման»,-ասաց նա։