Վրաստանը կարող է կորցնել իր տարանցիկ բեռների մինչև 20%-ը, եթե Հայաստանի տարածքով բացվեն նոր երթուղիներ
- Lilit
- 3h
- 1 min read
Հայաստանի, Ադրբեջանի և Թուրքիայի միջև տրանսպորտային ուղիների ապաշրջափակումը կարող է փոխել Հարավային Կովկասի լոգիստիկ քարտեզը, հաղորդել է տրանսպորտային միջանցքների ուսումնասիրությունների կենտրոնի տնօրեն Պաատա Ցագարեիշվիլին: Մասնագետները գնահատում են, որ նոր երթուղիների բացումից հետո Վրաստանը կարող է կորցնել մինչև 2 միլիոն տոննա տարանցիկ բեռ, որը կազմում է «Միջին միջանցքով» անցնող ընդհանուր հոսքի մոտավորապես 15-20%-ը:
Պաատա Ցագարեիշվիլին նշել է, որ առաջինը կսկսեն գործել ավտոմոբիլային երթուղիները, իսկ երկաթուղային ծառայության գործարկումը կտևի ևս 5-6 տարի։
Մասնագետի խոսքով՝ նման մասշտաբի կորուստները լուրջ հարված կլինեն Վրաստանի տնտեսությանը։ Նա կոչ է արել Թբիլիսիին վերանայել իր սակագնային քաղաքականությունը, արդիականացնել ենթակառուցվածքները և ավելի ակտիվորեն ներգրավել բեռներ Կենտրոնական Ասիայից՝ մրցունակությունը պահպանելու համար։
