Անդրանիկ Քոչարյանին ԱԺ հանձնաժողովի նախագահի պաշտոնից հեռացնելու օրակարգ ՔՊ-ում չկա, զարմացած եմ այդ լուրերից. Հայկ Կոնջորյան
- Lilit
- Oct 29, 2024
- 1 min read
Ճիշտն ասած շատ զարմացած եմ, որովհետև նման օրակարգ չկա, նման հարց երբևէ չի քննարկվել ՔՊ-ում:
Այս մասին լրագրողների հետ զրույցում ասաց «Քաղաքացրիական պայմանագիր» խմբակցության ղեկավար Հայկ Կոնջորյանն՝ անդրադառնալով մամուլի հրապարակումներին, թե ՔՊ-ականները մտադիր են բարձրացնել Անդրանիկ Քոչարյանին ԱԺ հանձնաժողովի նախագահի պաշտոնից հեռացնելու հարցը:
Նա չպատասխանեց հարցին՝ արդյոք ինքը գոհ է Քոչարյանի աշխատանքից:
Հարցին էլ՝ իր գործընկերները չե՞ն ասել քննարկենք այդ հարցը, նա պատասխանեց.
«Ես նման տեղեկատվություն չունեմ: Ես խմբակցության ղեկավարն եմ, երբ ասում եմ նման օրակարգ չկա, դա համարվում է խմբակցության լեգիտիմ որոշում»:
Անդրադառնալով արդարադատության նախարարի ընտրության ուշացմանը, նա արձագանքեց.
«Այսօր վարչության նիստ է լինելու, վարչության նիստից հետո, եթե լինի ընտրություն, ձեզ տեղյակ կպահեն վարչության անդամները: Թույլ տվեք չհայտնել թեկնածուների, նրանց քանակի մասին այս պահին, արդյունքների մասին ձեզ կտեղեկացնենք»:
