Պուգաչովան Գալկինի հետ ամուսնության մասին. «Ի՞նչ է ընտանիքը. Դա միայն սեքս չէ»

Ալլա Պուգաչովան խոսել է Մաքսիմ Գալկինի հետ ամուսնության մասին և մեկնաբանել այն լուրերը, որ Գալկինը «գեյ» է։ Լրագրող Կատերինա Գորդեևայի հետ երկար հարցազրույցում Պրիմադոննան խոստովանել է, որ իրական ամուսնություններ է համարում միայն իր ամուսնությունը Գալկինի հետ և իր առաջին ամուսնությունը իր ավագ դստեր՝ երգչուհի Քրիստինա Օրբակայտեի հոր հետ։

«Սա երջանկություն է։ Սա իրական երջանկություն է։ Ես նույնիսկ չեմ կարող խոսել դրա մասին։ Նա (Գալկինը) զարմանալի տաղանդ ունի՝ սիրել ինձ, սիրել իր ընտանիքը և հոգ տանել իմ մասին։ Հասկանո՞ւմ եք։ Ես շատ ամուսնություններ եմ ունեցել», - ասել է 76-ամյա արտիստուհին։

Պուգաչովայի խոսքով՝ երբ նա հանդիպել է Գալկինին, սիրահարվել է։

«Ես սիրահարվեցի, և վերջ։ Ես հասկացա, որ սա այն է, ինչ ինձ պետք է։ Եվ նա էլ հասկացավ։ Տարօրինակ էր, երբեմն ես նույնիսկ չեմ հասկանում, թե ինչպես է դա պատահել՝ բացարձակ ներդաշնակություն։ Մենք մեծացել ենք նմանատիպ ընտանիքներում՝ լավ, ես ավելի շուտ, նա ավելի ուշ, բայց մենք բացարձակապես նույն դաստիարակությունն ունեինք, որոշակի վերաբերմունք, ազնվականություն։ Խոսքը միայն սեռական հարաբերության մասին չէ, այլ նաև ընկերության, փոխըմբռնման և աջակցության մասին է,- ասել է նա։- Ի՞նչ է ընտանիքը։ Դա միայն սեքս չէ, այնպես չէ՞»։

Հարցին՝ կա՞ անձնական կյանք 50 տարեկանից հետո, 76–ամյա Պուգաչովան պատռասխանել է. «Այո։ Եվ կան զվարճանալու տարբեր ձևեր, որպեսզի տարիքը չխանգարի»։

«Մաքսը իմ կյանքը ուրախ է դարձնում. նա ինձ ինչ-որ բան կտա, ինչ-որ բան կպատմի, ինչ-որ բան ցույց կտա։ Նա հոգ է տանում իմ մասին։ Ես զգում եմ, որ նրանք ապրում են ինձ համար՝ գուցե առաջին անգամ իմ կյանքում», - խոստովանել է Ալլա Բորիսովնան։

Մեկնաբանելով Մաքսիմի նույնասեռական լինելու մասին լուրերն ու մեղադրանքները՝ Պուգաչովան նշել է. «Թեկուզ նրան «գորշոկ» կոչիր, միայն թե ջեռոցը մի դիր։ Ի՞նչ տարբերություն։ Դա նրանց սիրելի թեման է։ Ո՞վ այսօր նույնասեռական չէ։ Պարզապես թվում է, թե բոլորը նույնասեռական են։ Սա նույնասեռական է, նա նույնասեռական է, Աստված իմ։ Դա մեզ չի վերաբերում։ Թող ասեն այն, ինչ ուզում են։ Միայն թե մեզ մոտ ամեն ինչ լավ լինի»։