Իրանի հարավ-արեւելքում զինված անձանց խմբի հետ բախման հետեւանքով զոհվել են 10 ոստիկաններ եւ զինվորներ
- Lilit
- Oct 26, 2024
- 1 min read
Իրանի Սիստան-Բելուջիստան հարավարեւելյան սահմանամերձ նահանգի Թաֆտան օկրուգում զինված բախման հետեւանքով զոհվել են 10 ոստիկաններ եւ զինվորներ, տեղեկացրել է Mehr-ը։
Նշվել է, որ ոստիկանական պարեկախումբը ենթարկվել է անհայտ զինված անձանց հարձակմանը, ինչը հանգեցրել է դաժան մարտերի եւ բազմաթիվ մարդկային զոհերի պարեկախմբի աշխատակիցների շրջանում։ Նախնական տեղեկությունների համաձայն՝ հարձակման թիրախը զինվորներն ու իրավապահ մարմիների աշխատակիցներն էին։
Սիստան-Բելուջիստանի ոստիկանությունը հրապարակել է հայտարարություն, որը հաստատում է միջադեպը։
Ներկայում իրականացվում է հետաքննություն՝ ուղղված բռնության ակտի հետեւում կանգնածների ինքնության եւ դրդապատճառների պարզմանը։ Իրանի ներքին գործերի նախարարը կոչ է արել հետաքննել միջադեպը՝ հանձնարարելով ուսումնասիրել հարձակման հանգամանքները եւ հետեւանքները։
Նախարարության հայտարարությունում խոր մտահոգություն է հայտնվում բռնության առիթով, եւ ընդգծվում է մեղավորներին պատասխանատվության ենթարկելու անհրաժեշտությունը, ինչն ընդգծում է կատավարության կողմնակցությունը տարածաշրջանում անվտանգությանը։
