«Մի՛ փորձիր բաժանել, չես տիրելու»․ Տեր Գաբրիել քահանա Վարդանյանը՝ Նիկոլ Փաշինյանին

Ամուսնացյալ քահանաները շարունակում են Նիկոլ Փաշինյանին հիշեցնել, որ նա, հակառակ իր հայտարարության, իրենց եղբայր չի կարող լինել։

Տեր Գաբրիել քահանա Վարդանյանը նույնպես արձագանքել է Նիկոլ Փաշինյանին՝  գրելով․

«Եթե մեկը թշնամուն է հանձնել իմ Հարենիքի մի մասը, ինձ եղբայր չի կարող լինել։

Եթե մեկի գործողությունների պատճառով իմ ԵՂԲԱՅՐՆԵՐԻՑ ավելի քան հինգ հազարը զոհվել են, ինձ եղբայր չի կարող լինել։

Եթե մեկը հայհոյանքով է խոսում իմ ԾՆՈՂԻ մասին, ինձ եղբայր չի կարող լինել։

Եթե մեկը առիթը բաց չի թողնում բամբասելու և վարկաբեկելու իմ ԾՆՈՂԻՆ, ինձ եղբայր չի կարող լինել։

Եթե մեկը  զորք է ուղարկում Մայր Աթոռ Սուրբ Էջմիածին իմ ԵՂԲԱՅՐՆԵՐԻ ու ՀԱՅՐԵՐԻ դեմ, ինձ եղբայր չի կարող լինել։

Եթե մեկը իմ հոգևոր Հայրերին է ձերբակալում, ինձ եղբայր չի կարող լինել․․․

«Մի՛ փորձիր բաժանել, չես տիրելու․․․»