Նոր օրենք ՌԴ-ում՝ քաղաքացիություն չունեցող անձանց մասին
- Lilit
- Jun 25
- 1 min read
ՌԴ Պետդումայի պատգամավորները երկրորդ և երրորդ ընթերցմամբ ընդունել են օրինագիծ, որը քաղաքացիություն չունեցող անձանց իրավունք է տալիս պայմանագիր կնքել և ծառայել Ռուսաստանի զինված ուժերում, հաղորդում է Ведомости-ն։
Օրինագիծը Պետական Դումա է ներկայացվել ապրիլին։ Դրա համաձայն՝ փոփոխություններ են կատարվում «Զինվորական պարտականության և զինվորական ծառայության մասին», «Պաշտպանության մասին» և «Զինվորական անձնակազմի կարգավիճակի մասին» օրենքներում։ Փաստաթուղթն առաջին ընթերցմամբ ընդունվելուց հետո նախաձեռնության հեղինակները փոփոխություններ են կատարեցին դրանցում. քաղաքացիություն չունեցող անձանց և օտարերկրացիների հետ զինվորական ծառայության պայմանագրերը կարող են կնքվել մինչև զորահավաքի ժամկետի ավարտը, ռազմական դրության դադարեցումը կամ պատերազմական ժամանակի ավարտը։
Օրինագիծն ուժի մեջ մտնելուց առաջ այն պետք է ստորագրի Ռուսաստանի նախագահ Վլադիմիր Պուտինը։ Փաստաթղթի բացատրական գրության մեջ նշվում է, որ դրա ուժի մեջ մտնելը պաշտոնական հրապարակման օրվանից անհրաժեշտ է «Ռուսաստանի զինված ուժերը համալրելու համար անհապաղ լրացուցիչ միջոցառումներ ձեռնարկելու նպատակով»։
